En que che axudamos?

Si. O plan Gratis é para sempre e non pide tarxeta: 2 proxectos, ata 60 tarefas abertas e todas as vistas, coas dependencias, os sprints, o Gantt e o mapa. Pro e Max quitan os límites e engaden máis cousas, cun prezo por persoa: tes os prezos en Prezos, e o que inclúe cada un na guía.

Si, coa demo: é a app de verdade con dous proxectos de exemplo, sen conta nin correo. O que fas gárdase só no teu navegador, e con «Restaurar o exemplo» volves ao principio.

Non. A demo garda os datos só nese navegador e non os manda a tokidu, así que a túa conta empeza baleira. Se queres conservar algo da demo, volve crealo na túa conta. Mira a demo.

Mira no correo non desexado e comproba que escribes o correo da túa conta: por seguridade, a páxina di que o enviou aínda que non exista ningunha conta con ese correo. A ligazón caduca nunha hora e serve unha vez; se non vale, preme «Pedir unha ligazón nova». Máis en Recuperar o contrasinal.

Coa ligazón de recuperar o contrasinal: na páxina de entrar, preme «Esqueciches o contrasinal?», escribe o teu correo e abre a ligazón que che chega. Ao gardar o novo, péchanse as demais sesións abertas. Se a túa conta non ten contrasinal, créao en «A túa conta» → «Crear contrasinal». Mira Recuperar ou cambiar o contrasinal.

Si. O máis seguro é conectalo desde dentro: entra co teu contrasinal, vai a «A túa conta» → «Acceso» → «Google e Apple» e conecta o que queiras. A partir de aí entras con calquera das dúas formas. Mira Formas de entrar.

Porque ese correo xa ten unha conta de tokidu: non fai falta crear outra. Preme «Entrar» e entra co teu contrasinal (ou con «Esqueciches o contrasinal?» se non o lembras). Se che pasa ao usar Google ou Apple, entra co contrasinal e conéctaos despois desde «A túa conta».

É unha protección. Se a conta co teu correo tiña un contrasinal pero o correo nunca se confirmara, calquera podería tela creado. Ao entrares ti con Google ou Apple, que si confirman o correo, quítase ese contrasinal e péchanse as demais sesións, as passkeys e as conexións. Se o contrasinal era teu, crea outro con «Crear un contrasinal».

Case sempre é un bloqueador de anuncios ou de rastrexo que corta accounts.google.com. Permite ese sitio no bloqueador, recarga a páxina e volve premer. Mentres tanto podes entrar co teu correo e o teu contrasinal ou cunha passkey.

Unha passkey é unha forma de entrar sen contrasinal, coa pegada, a cara ou o PIN do teu dispositivo. Primeiro engádea en «A túa conta» → «Passkeys» → «Engadir passkey». Despois, na páxina de entrar, preme «Acceder con passkey». Mira Formas de entrar.

Abaixo na barra lateral, xunto ao teu nome, preme «Saír». Tamén tes «Saír» arriba en «A túa conta». Na app, «Conta» → «Saír». Só se pecha a sesión dese navegador ou dispositivo.

Si. A web funciona no navegador do móbil, e podes poñela na pantalla de inicio para abrila como unha app. Tamén hai app para iPhone, iPad e Android, que funciona sen conexión. Mira No ordenador, no móbil e na tableta.

A web non: precisa conexión para gardar os cambios. A app para iPhone, iPad e Android si funciona sen conexión e manda os cambios cando volve a rede. Explícao A app sen conexión.

Na barra lateral, preme «Aparencia» e escolle o idioma en «Idioma»: Español, Català, English ou Galego. Cambia ao momento e gárdase na túa conta, tamén para os correos. Na app, «Conta» → «Aparencia» → «Idioma».

Depende do que fixeses. Marcar unha tarefa como feita ou cancelala, borrar unha tarefa ou un proxecto e importar un proxecto desfanse con «Desfacer» no aviso que sae abaixo, ou con Ctrl+Z (⌘Z no Mac). O borrado está ademais 30 días na papeleira. Os demais cambios (un título, unha data) corríxense a man. Mira A pantalla.

Con Gratis, 2 proxectos; con Pro e Max, sen límite. Os proxectos da papeleira e os que outras persoas comparten contigo non contan. Mira Crear un proxecto e os plans en Prezos.

Abre o proxecto, preme o botón dos tres puntos da cabeceira («Axustes do proxecto»), cambia o «Nome» ou escolle outra cor en «Aspecto» e preme «Gardar». Só pode facelo quen comparte o proxecto.

Si. Nos axustes do proxecto, en «Aspecto», preme «Poñer unha imaxe…» e escolle o logo (PNG, JPEG ou WebP). Recórtase en cadrado e sae no canto da icona en todas as vistas, e tamén na ligazón para o teu cliente. Mira O aspecto do proxecto.

Pon o nome do cliente no campo «Cliente» dos axustes de cada proxecto e garda. A barra lateral xúntaos por cliente, por orde alfabética, con «Sen cliente» ao final, e cada grupo pódese pregar. Mira Clientes.

Non: saen na orde en que os creaches e non se poden arrastrar. O que si podes é poñerlles cliente; entón agrúpanse por cliente, por orde alfabética, e podes pregar os grupos que non uses. Mira A barra lateral.

Con «Duplicar o proxecto», nos axustes do proxecto. A copia trae as tarefas coas súas duracións, notas, listas de comprobación e esperas, e todo empeza por facer. Se só queres repetir uns pasos dentro doutro proxecto, gárdaos como cadea con «Gardar as tarefas como cadea». Mira Duplicar un proxecto.

Porque a copia é para comezar de novo: as datas límite e os sprints eran do proxecto orixinal. Tampouco se copian o tempo, os ficheiros, os comentarios nin as persoas coas que o compartías. Ponlle as datas novas a man; as datas previstas volve calculalas tokidu coas duracións.

Con Pro. En Project, gárdao como XML (Ficheiro → Gardar como → «Formato XML (*.xml)»). En tokidu, preme «Novo proxecto», a ligazón «Tes o proxecto noutra ferramenta? Impórtao de Microsoft Project, Excel ou Trello» e escolle o ficheiro. Revisa «Así quedará» e preme o botón de importar. Mira Importar un proxecto.

Non directamente: un .mpp só o abren Project e ProjectLibre. Ábreo nun dos dous e gárdao como XML (en ProjectLibre, Ficheiro → Gardar como → «MS Project XML»), e despois importa ese XML. ProjectLibre é de balde.

Si, con Pro. Excel, Google Sheets, CSV, a exportación de Planner a Excel e o CSV de Asana entran como folla de cálculo: escolles que é cada columna. De Trello, importa o JSON do taboleiro e decide que pasa con cada lista. Mira Importar un proxecto.

Preme «Desfacer» no aviso que sae ao rematar (ou Ctrl+Z): o proxecto importado vai á papeleira. Se o aviso xa marchou, bórrao desde os seus axustes con «Borrar o proxecto». As persoas novas que creou a importación quedan na túa conta.

Non: importar sempre crea un proxecto novo. Para engadir pasos a un proxecto que xa tes, usa unha cadea gardada ou, con Max, o asistente: «Traer unha lista» converte en tarefas unha lista que pegas. Mira O asistente: traer unha lista.

Con Pro. Nos axustes do proxecto, preme «Imprimir ou gardar en PDF», escolle «Co Gantt» ou «Só o resumo» e preme «Imprimir». Para o PDF, escolle «Gardar como PDF» no diálogo de imprimir. Sen Pro, o Gantt descárgase como imaxe. Mira Imprimir o plan.

Si, durante 30 días. Xusto despois, preme «Desfacer» no aviso. Máis tarde, abaixo na barra lateral preme «Papeleira» e, en «Proxectos borrados», «Restaurar»: volve coas súas tarefas, horas, ficheiros e persoas. Mira Borrar un proxecto.

Non, tokidu non ten arquivo. Un proxecto rematado pode quedar na lista: as súas tarefas feitas non contan como abertas, aínda que o proxecto si conta para o límite de proxectos de Gratis. Se xa non o precisas, bórrao: pasa 30 días na papeleira e podes recuperalo.

Copia a ligazón do cartafol en Drive, pégaa en «Cartafol de Google Drive» nos axustes do proxecto e preme «Gardar». Na cabeceira do proxecto sae o botón «Drive», que o abre. tokidu só garda a ligazón. Mira Cartafol de Drive.

Abre a tarefa e, en «Responsable», escolle o seu nome. Se non está na lista, escolle «+ Engadir unha persoa…», escribe o nome e preme Intro.

• Co plan Gratis a túa lista admite un só nome; con Pro, os que queiras.
• Ese nome serve para repartir o traballo e calcular as datas, pero non avisa a ninguén. Para que a persoa vexa a tarefa e reciba os avisos, comparte o proxecto con ela (con Pro): mira Compartir un proxecto.

Explícao enteiro Asignar un responsable.

Crea ese paso como unha tarefa á parte e ponlle o seu «Responsable». Os elementos da «Lista de comprobación» non teñen responsable: serven para cousas pequenas que fas ti.

1. Apunta o paso como tarefa nova no mesmo proxecto.
2. Ábrea e escolle a persoa en «Responsable» (ou «+ Engadir unha persoa…»).
3. Se a tarefa principal non se pode rematar sen ese paso, abre a principal e, en «Empeza cando remate…», escolle o paso. Esperará e desbloquearase soa cando o rematen.

Se a persoa só axuda, engádea en «Acompañan» (con Pro). Para que vexa a tarefa e reciba avisos, ten que estar no proxecto compartido coa súa conta. Explícao Subtarefas e pasos doutras persoas.

O campo de alta rápida apunta unha cada vez, pero hai tres formas de crear moitas:

• Unha cadea: preme «Cadea» no proxecto, «Escribir unha nova», e pon un paso por liña. Créanse encadeadas; se comezas con + todas as liñas menos a primeira, ningunha espera por outra.
• Con Max, o asistente converte en tarefas unha lista que pegues.
• Con Pro, importar un proxecto de Project, Excel, CSV, Planner, Asana ou Trello.

Mira Engadir unha tarefa.

Con Gratis caben 60 tarefas abertas en total, sumando todos os teus proxectos. As feitas e as canceladas non contan, así que ao rematar tarefas volves ter sitio. Se chegas ao límite, tokidu avísate e non garda a tarefa nova. Con Pro non hai límite: mira Prezos.

Case sempre é porque espera por outra tarefa que aínda non está feita. O seu círculo leva un cadeado e, ao premelo, ábrese o detalle; arriba pon «Esperando por …» co que falta. Mentres espera, en «Estado» só se poden escoller «Por facer» e «Cancelada».

Se de verdade xa está feita, quita a espera en «Empeza cando remate…» e márcaa, ou arrástraa a «Feitas» no Taboleiro. Se o detalle pon «Só lectura», o proxecto é doutra persoa e só podes velo. Mira Estados dunha tarefa.

Preme «Desfacer» no aviso que sae abaixo, ou Ctrl+Z (⌘Z no Mac) mentres siga á vista. A tarefa reábrese e as que se desbloquearan volven esperar; se desfás a tempo, non se avisa a ninguén. Se o aviso xa marchou, preme o círculo da tarefa («Reabrir») ou escolle «Por facer» en «Estado». Mira Marcar como feita e reabrir.

Preme o círculo con ✓ da súa tarxeta («Reabrir») ou, no detalle, escolle «Por facer» ou «En curso» en «Estado». As tarefas que a esperaban volven a «Esperando» ata que a remates outra vez. As feitas están na columna «Feitas» do Taboleiro ou na Lista. Mira Marcar como feita e reabrir.

Non: cada tarefa ten un só «Responsable», que é quen a leva e por quen se calculan as súas datas. Con Pro, podes engadir outras persoas en «Acompañan»: vena e poden recibir avisos, pero non contan para as datas. Se cada persoa fai unha parte, mellor unha tarefa para cada unha. Mira Acompañantes.

Só se ten conta e está no proxecto compartido: chégalle «Asignáronche «…»» por correo e na app, se o ten acendido nos seus avisos. Os nomes da túa lista que non teñen conta non reciben nada: serven para repartir o traballo e calcular datas. Para convidar a alguén, mira Compartir un proxecto.

Co plan Gratis, a túa lista de persoas admite un só nome. Se intentas engadir outro, tokidu avísate de que chegaches ao límite do teu plan e non o garda. Con Pro podes poñer os nomes que queiras, con acompañantes e os seus días libres, e compartir proxectos. Mira Prezos e Asignar un responsable.

«Acompañan» só sae onde caben máis persoas ca ti: nos teus proxectos con Pro e nos proxectos que che compartiron. Co plan Gratis non aparece. Ademais, ten que haber alguén a quen escoller á parte do responsable: se a túa lista só ten esa persoa, engade antes a outra. Mira Acompañantes.

Abre a tarefa e escolle o día en «Data límite». Tamén podes arrastrala a un día na vista Calendario. Para quitala, borra o campo. Se co que dura non chega, a tarxeta leva «Non chega a tempo». Mira Data límite.

Coa duración, tokidu calcula cando empezará e rematará cada tarefa e cando rematará o proxecto, e diche que non chega á súa data. Sen ela, a tarefa non ten data prevista. Abonda un cálculo a ollo cos botóns de «Canto che levará?». Un día son as horas ao día da túa semana de traballo. Mira Duración.

Cada proxecto ten as súas propias etiquetas. Ao etiquetar unha tarefa, en «Doutros proxectos» saen os nomes que xa usas noutros: ao escoller un, créase neste coa mesma cor. «O seguinte» xunta as que se chaman igual en distintos proxectos. Mira Etiquetas de cor.

Un fito marca un momento do proxecto, como unha entrega, e non dura nada. Abre a tarefa e acende «É un fito: non dura nada, marca un momento». Fai que espere polas tarefas que teñen que estar antes; cando rematen, preme o seu círculo («Dar por acadado»). No Gantt sae como un rombo grande. Mira Fitos.

Abre a tarefa e, en «Ficheiros e ligazóns», preme «Subir un ficheiro» ou arrastra o ficheiro ao recadro. Ata 10 MB por ficheiro e 50 por tarefa: imaxes, PDF, texto, Office ou zip. Con Gratis tes 20 MB en total (conta o da papeleira); con Pro e Max, sen tope. Mira Ficheiros adxuntos.

Non hai lembretes a unha hora dentro de tokidu. O que si hai:

• Con Pro, «Reservar no meu calendario» pon a tarefa no teu calendario á hora que escollas, e o aviso dácho o teu calendario.
• Con Pro, o correo «Vence mañá» o día de traballo anterior á súa data límite.
• En todos os plans, o aviso cando se desbloquea unha tarefa túa.

Mira Reservar o oco no teu calendario.

Con Pro, abre unha tarefa túa ou sen responsable e preme «Reservar no meu calendario», debaixo da previsión. tokidu propón o día, a hora e a duración; cámbiaos se queres e escolle Google Calendar, Outlook, Outlook do traballo ou «Calendario de Apple ou outro». A tarefa amosa despois «Reservado: …», que só ves ti. Mira Reservar o oco no teu calendario.

Cancelar («Estado» → «Cancelada») déixaa no proxecto, riscada e con todo o seu: serve para o que xa non se vai facer e queres lembrar. Borrar mándaa á papeleira 30 días e quítaa das vistas. Nos dous casos, as tarefas que a esperaban deixan de esperala. Mira Cancelar unha tarefa.

Si, durante 30 días. Se acabas de borrala, preme «Desfacer» no aviso (ou Ctrl+Z). Se non, abre «Axustes do proxecto», preme «Papeleira» e, na tarefa, «Restaurar»: volve coas súas notas, esperas, ligazóns, horas e ficheiros. Na demo non hai papeleira. Mira Borrar unha tarefa e recuperala.

Hoxe non se pode, nin na web nin na app. Podes creala no outro proxecto, copiar as notas e as ligazóns, e borrar a orixinal (volve da papeleira se fai falla). Se só precisas que espere por algo do outro proxecto, con Max unha tarefa pode esperar por outra doutro proxecto. Entre sprints si se move, con «Sprint» no detalle. Mira Cambiar unha tarefa de sprint.

Non hai un botón para duplicar unha soa tarefa. Segundo o que precises:

• Se se repite cada certo tempo, con Pro usa «Repetir…» no detalle: cada vez créase unha copia coa súa duración, responsable e notas.
• Se son sempre os mesmos pasos, gárdaos como cadea e engádea cando faga falla.
• Para copiar un proxecto enteiro, usa duplicar o proxecto.

Mira Tarefas e cadeas que se repiten.

Abre a tarefa: a franxa de arriba di que lle falta. O máis habitual:

• Espera por varias e aínda falta algunha: desbloquéase cando remata a última.
• Ten días de espera: di o día en que poderá empezar.
• Espera por unha tarefa doutro proxecto, que sae co nome do seu proxecto ou «dun proxecto que non ves».
• A anterior está «En curso», non «Feita», ou alguén a reabriu.

Nun proxecto compartido, o que fai outra persoa pode tardar uns segundos en chegar. Mira Cando se desbloquea unha tarefa.

Abre a tarefa que ten que esperar e, en «Empeza cando remate…», abre «+ Engadir unha tarefa que teña que rematar antes…» e escolle a outra. Ao apuntar unha tarefa nova, tamén podes escollela no despregable do lado, que pon «Empezar xa». No Gantt, arrastra o punto de detrás dunha barra ata a tarefa que a espera. Mira Empeza cando remate….

Abre a tarefa que espera e, en «Empeza cando remate…», preme o ✕ xunto á tarefa pola que xa non debe esperar («Quitar o requisito»). Se non lle faltaba nada máis, pasa a estar lista para facer. Se tiña días de espera, van con ela. Mira Empeza cando remate….

Pode ser por tres cousas:

• Xa espera pola tarefa que estás editando, directa ou indirectamente: se esperase tamén ao revés, ningunha empezaría nunca.
• Xa está na lista desa tarefa.
• É doutro proxecto: para esas está «Unha tarefa doutro proxecto…», con Max.

Ao apuntar unha tarefa nova, o despregable só amosa as tarefas sen facer do proxecto. Mira Esperas en círculo.

Non. Unha tarefa que espera por varias desbloquéase cando todas están feitas ou canceladas. Se en realidade lle abonda con unha, deixa só esa en «Empeza cando remate…», ou cancela a outra cando xa non faga falla: unha cancelada deixa de bloquear. Mira Esperar por varias tarefas.

Non como tal: en tokidu unha tarefa sempre empeza cando remata a que espera («fin a comezo»). Non hai esperas de comezo a comezo nin solapamentos. Se unha pode empezar cando a outra vai pola metade, parte a primeira en dúas tarefas e fai que a segunda espere só pola primeira metade. Mira Empeza cando remate….

Non hai data de inicio, pero hai dúas formas de conseguilo:

• Ponla nun sprint que empece ese día: a previsión non a empeza antes.
• Con Pro, fai que espere uns días despois doutra tarefa: en «Empeza cando remate…», «+ días».

Mira Esperar uns días máis.

Si. Se outra persoa remata o que bloqueaba unha tarefa túa, ou pasan os seus días de espera, chégache o correo «Tarefa desbloqueada» (en todos os plans) e o aviso no móbil ou no navegador se os tes activados. O que desbloqueas ti vélo na pantalla e non che chega por correo. Cámbiase en Avisos. Mira Cando se desbloquea unha tarefa.

As tarefas que a esperaban volven a «Esperando», aínda que xa as empezasen, e deixan de saír en «O seguinte». Cando a volvas marcar como feita, desbloquéanse outra vez e avisan de novo. Se só te equivocaches ao marcala, «Desfacer» arránxao sen avisar a ninguén. Mira Cando se desbloquea unha tarefa.

Deixan de esperala: se non esperaban por nada máis, poden empezar. Se era un paso dunha cadea, os pasos de despois pasan a esperar polos de antes, así que a cadea non se rompe. Se restauras a tarefa da papeleira, as súas esperas volven. Se só xa non se vai facer, mellor cancélaa. Mira Cando se desbloquea unha tarefa.

Si. Unha tarefa cancelada libera as que a esperan, coma se estivese feita, e o aviso dío: «Cancelada. «Maquetar» xa non a espera e pode empezar.». O que non fai é contar como traballo feito. Se a reabres, volven esperala. Mira Cancelar unha tarefa.

No Taboleiro, a columna «Esperando» xúntaas, e cada tarxeta di «Espera por «…»». Na Lista, a columna «Espera por». En «O seguinte», ao final, «Esperando por outra tarefa». Para velo todo dunha ollada, o Mapa debuxa unha frecha por cada espera. E no detalle dunha tarefa, «Ao rematala desbloquéase: …» di que a espera. Mira Ver que espera por que.

Que a tarefa esperaba por outra e se desbloqueou nas últimas 24 horas: xa podes empezala. A etiqueta vaise soa pasado un día, ou antes se a rematas. Mira Cando se desbloquea unha tarefa.

Con Pro do dono do proxecto: abre a tarefa que espera e, en «Empeza cando remate…», preme «+ días» xunto á tarefa pola que espera. Escolle «1 día», «2 días», «3 días», «1 semana», «2 semanas» ou «Outro…» (de 1 a 365). Contan desde o día en que se rematou a outra. Mira Esperar uns días máis.

Naturais: contan tamén as fins de semana e os festivos, desde o día en que se rematou a anterior. Se o día en que pode empezar non é de traballo, a previsión ponna no teu seguinte día de traballo. Por exemplo, rematada o venres con 2 días, podería empezar o domingo e a previsión ponna o luns. Mira Esperar uns días máis.

Poñer días a unha espera é de Pro do dono do proxecto. Sen Pro, «+ días» non sae; os días que xa había vense e pódense quitar. Tampouco sae se só podes ver o proxecto. Mira Esperar uns días máis e Prezos.

Si, coas cadeas. No proxecto, preme «Cadea», «Escribir unha nova», escribe un paso por liña e marca «Gardar a cadea para reutilizala». Tamén podes gardar as tarefas dun proxecto con «Axustes do proxecto» → «Gardar as tarefas como cadea». Logo engádela desde «Cadea» en calquera proxecto, en «As miñas cadeas». Garda os títulos e a orde, non as duracións nin as persoas. Mira Cadeas.

Ao escribir a cadea, comeza a liña do segundo paso con +: irá en paralelo co anterior, e o paso seguinte esperará polos dous. «Así quedará» ensínacho antes de creala. Nunha cadea xa engadida, preme «Editar a cadea» e usa o botón «En paralelo co anterior». Mira Cadeas.

Non. Os cambios en «As miñas cadeas» valen para as próximas veces que a engadas; as cadeas que xa están nun proxecto non cambian. Para cambiar unha xa engadida, abre unha das súas tarefas e preme «Editar a cadea»: iso só cambia a dese proxecto. Mira Editar a cadea dun proxecto.

Con Pro do dono do proxecto: prepara a tarefa coa súa duración, responsable e notas, ábrea e preme ↻ «Repetir…» arriba do detalle. Escolle «Cada poucas semanas», «Cada poucos meses» ou «Ao rematar a anterior», o día, e preme «Que se repita». tokidu crea só a seguinte, o día que toca. Mira Tarefas e cadeas que se repiten.

Abre a repetición (↻ na cabeceira do proxecto): di «Non se creou a do …» e o motivo. O máis habitual é «a anterior segue sen comezar»: se ninguén empezou a vez anterior, esa vez sáltase para non acumular. Abonda con poñer unha «En curso». Outros: «o proxecto non ten Pro», «chegou tarde» ou «non se puideron crear». Tamén pode estar en pausa ou ter pasado o seu «Ata o». Mira Tarefas e cadeas que se repiten.

Non hai «cada día»: os horarios son cada poucas semanas, cada poucos meses ou uns días despois de rematar a anterior. O máis parecido:

• «Ao rematar a anterior» con 1 día: a seguinte sae o día despois de rematar a de agora.
• Unha tarefa por cada día de traballo, cada unha coa súa repetición semanal ese día (caben 20 repeticións por proxecto).

Mira Tarefas e cadeas que se repiten.

Si, con Max do dono dos proxectos. Abre a tarefa, abre «+ Engadir unha tarefa que teña que rematar antes…» en «Empeza cando remate…» e escolle «Unha tarefa doutro proxecto…». Busca a tarefa e escóllea. Só vale con tarefas sen facer doutros proxectos do mesmo dono, ata 20 por tarefa. Mira Esperar por unha tarefa doutro proxecto.

Que a espera que intentabas crear pecharía un círculo: a outra tarefa xa espera, directa ou indirectamente, por esta. Así ningunha podería empezar nunca, e tokidu non a garda. Abre o Mapa para ver por onde pasa o círculo e decide cal das dúas vai antes. Mira Esperas en círculo.

Abre o proxecto na barra lateral e preme unha das lapelas que hai baixo a súa cabeceira: «Taboleiro», «Lista», «Calendario», «Mapa», «Gantt» ou «Sprints». Todas amosan as mesmas tarefas doutra forma. Nunha pantalla estreita, as lapelas só amosan a súa icona. Mira As vistas dun proxecto.

«O seguinte» só amosa o que podes empezar xa. O máis habitual é que a tarefa espere por outra: está pregada en «Esperando por outra tarefa» (ou «Agardan») e aparecerá soa cando a outra remate. Outras razóns:

• Xa está feita ou cancelada.
• Tes posto un filtro de etiquetas: preme «Ver todas».
• Con proxectos compartidos e «Miñas» escollido, a tarefa é doutra persoa: preme «Todo o equipo».

Non. «Esperando» énchese só coas tarefas que esperan por outra. Para que unha tarefa espere, ábrea e escolle a outra en «Empeza cando remate…»; pasará a «Esperando» ao momento. Tampouco se pode arrastrar unha tarefa que espera a «Por facer» ou «En curso»: primeiro ten que rematar o que espera. Mira Taboleiro.

No proxecto, abre a lapela «Calendario» e arrastra a tarefa ao día novo. As tarefas sen data límite están debaixo do mes, en «Sen data»: arrastra unha a un día para poñerlla. Para quitar a data, abre a tarefa e borra o campo «Data límite». Mira Calendario.

Porque o «Calendario» amosa a data límite que pos ti, non a data que calcula tokidu. Para ver cando remataría cada tarefa, usa o «Gantt» ou a columna «Cando» da «Lista». Con Pro, tamén podes ver esas datas no teu calendario de Google, Apple ou Outlook: mira As túas datas no teu calendario.

Porque tokidu non ten unha data que darlle e non a inventa. Búscaa en «Aínda sen data», debaixo do debuxo, onde unha frase di o motivo:

• Non ten duración: pónlla no seu detalle ou preme «Estimar agora».
• Espera por outra tarefa que non ten duración.
• Espérase con outra, unha á outra: quita unha das esperas.

As tarefas feitas están pregadas en «Feitas». Mira Gantt.

Non. As barras saen da previsión, así que non teñen un inicio que se poida arrastrar. O que si podes arrastrar é o bordo dereito, para cambiar canto lle queda, e o punto de detrás, para crear unha espera. Se queres que empece máis tarde, fai que espere por outra tarefa, métea nun sprint que empece despois ou dálla a outra persoa. Mira Gantt.

Si, con rato, trackpad ou lapis. Arrastra o punto que hai detrás da barra da tarefa que vai primeiro e sóltao sobre a tarefa que ten que esperar. O aviso trae «Desfacer» por se te equivocas. Non deixa facelo se as dúas se esperarían unha á outra. Mira Gantt.

Co dedo, non: tocar unha barra abre o detalle da tarefa, onde podes cambiar a duración e as esperas. Cun lapis, nunha tableta, si se arrastra. Na app de iPhone e iPad o Gantt é só de lectura. Mira Gantt.

Para unha imaxe, abre o «Gantt» do proxecto e preme «Descargar a imaxe»: sae un PNG coa escala e a agrupación que esteas vendo. Está en todos os plans. Para un PDF ou para imprimir, usa «Imprimir ou gardar en PDF», que é de Pro. Mira Descargar o Gantt como imaxe.

Pasan soas ao seguinte sprint aberto do proxecto. Se non hai ningún, tokidu crea un da mesma duración xusto detrás. As feitas quedan no sprint pechado. Un aviso indícache cantas pasaron e a que sprint. Mira Sprints.

Na web, non: «Novo sprint» crea un de 7 días que empeza despois do último, e só se lle pode cambiar o nome. Na app, ao crear un sprint con «Novo sprint» escolles o «Inicio» e o «Fin». Mira Sprints.

Non hai un buscador de tarefas por texto. Podes:

• Filtrar por etiquetas co botón «Etiquetas».
• Abrir a «Lista» do proxecto e usar a busca do navegador (Ctrl + F, ou Cmd + F nun Mac).

Mira Filtrar por etiquetas.

Si. Preme «Etiquetas» e marca todas as que queiras: vense as tarefas que levan calquera delas. O filtro non se garda: ao recargar a páxina, quítase. No «Mapa» e no «Gantt» as demais tarefas non se esconden, atenúanse. Mira Filtrar por etiquetas.

Son as tarefas que deciden cando remata o proxecto: se unha delas se atrasa, atrásase o final. Para rematar antes, empeza por esas. Podes probar que pasaría se unha se atrasa con «E se…?», no «Mapa». Mira Mapa.

Calcúlao co que dura cada tarefa, por que espera, quen a fai (cada persoa fai unha tarefa cada vez), as horas ao día de «A túa semana» e os días libres. Non tes que poñer datas de inicio nin de fin. A frase do detalle da tarefa explica de onde sae a súa data. Mira Como calcula tokidu as datas.

Porque tokidu non inventa datas. Pasa cando:

• a tarefa non ten duración: pónlla en «Canto che levará?», no seu detalle;
• espera por outra tarefa que non ten duración;
• espérase con outra, unha á outra: quita unha das esperas.

A frase do detalle indícache cal das tres é. Para poñer moitas duracións seguidas, usa «Estimar agora». Mira Por que esa data?.

Porque a súa persoa ten antes outras tarefas: cada persoa fai unha tarefa cada vez, na orde de «O seguinte». A frase dío, por exemplo «Poderá empezar o xoves: antes tes outras 3 tarefas.», e «Ver cales» amósaas. Para que vaia antes, súbelle a prioridade a «Alta» ou dálla a outra persoa. Mira Por que esa data?.

Non. En tokidu as datas de inicio e de fin calcúlanse soas. O que si podes poñer:

• unha «Data límite», o día en que ten que estar;
• unha espera, para que empece cando remate outra tarefa, con días de máis se fai falla;
• un sprint, para que non empece antes de que empece o sprint.

Mira Como calcula tokidu as datas.

Preme «A túa semana» ao pé da barra lateral. En «Días que traballas» marca os teus días (tamén sábado ou domingo, se traballas) e en «Horas ao día para tarefas» escolle cantas horas dedicas a tarefas, sen reunións nin correo. Preme «Gardar» e recalcúlanse todas as datas. Mira A túa semana.

Abre «A túa semana», ao pé da barra lateral:

• As túas, en «Os teus días libres».
• As dunha das túas persoas sen conta, en «Días libres doutras persoas…».
• As persoas con conta poñen as súas desde «A túa semana» da súa propia conta.

Engade o período con «Desde» e «Ata», preme «Engadir» e despois «Gardar». As súas tarefas saltan eses días. Mira Días libres.

Si, cando nos teus proxectos hai máis persoas ca ti: en «A túa semana», preme «Pegar datas…» e pega as datas, unha por liña (por exemplo «6/1/2027»). Antes de engadilas, indícache cantos días entendeu e cales non. Preme «Engadir» e despois «Gardar». Se traballas só, engádeos un a un en «Días libres». Mira Días libres.

Que, segundo a previsión, a tarefa remataría despois da súa data límite ou do fin do seu sprint. Abre a tarefa: a frase di cando remataría e por que. Para que chegue, súbelle a prioridade, dálla a outra persoa, revisa a súa duración ou quita unha espera que non faga falla. Mira O que non chega á súa data límite.

Que tokidu non sabe cal das túas persoas es ti, e precísao para saber que tarefas son túas e calcular ben as datas. Preme «Escoller», busca «Ti es», escolle o teu nome e preme «Gardar». Mira Que tarefas contan como túas.

tokidu veo no tempo rexistrado: se xa pasa da súa duración, a frase di «Xa leva máis do previsto» e supón que queda pouco. No detalle sae «Canto lle queda?» con botóns de «30 min» a «1 día»: a túa resposta axusta a duración e as datas do que vai detrás. Mira Por que esa data?.

Abre a tarefa e preme «E se se atrasa?», ou vai ao «Mapa» do proxecto e preme «E se…?». Escolle a tarefa e proba «…se atrasa», «…dura», «…a fai» ou «…e se non está». Verás cando remataría o proxecto e que tarefas se moven. Nada cambia ata que premes «Gardar estes cambios». Mira E se…?.

Si, co plan Max. Debaixo do panel «E se…?», en «Probas gardadas», preme «Gardar esta proba» e ponlle un nome. Sempre amosa o seu resultado co plan de hoxe, e «Copiar resumo» dáche un texto para mandalo. Sen Max, as probas do panel pódense facer, pero non gardar. Mira Probas gardadas.

Co plan Max, garda unha foto do plan o día que o prometes: en «Axustes do proxecto» (o botón dos tres puntos), preme «Gardar a foto do plan». Despois, a cabeceira do proxecto di canto se moveu o final, a «Lista» dío tarefa por tarefa e o «Gantt» debúxao con «Comparar coa foto». Mira A foto do plan.

Porque se recalculan cada minuto e con cada cambio: se unha tarefa se alonga, se alguén remata antes ou se cambias unha duración, todo o que vai detrás móvese. Hoxe conta só o que queda do teu horario, así que ao final da xornada o que non remataches pasa ao día seguinte. Mira Como calcula tokidu as datas.

Con Pro:

1. Abre o proxecto e preme «Compartir», arriba á dereita.
2. En «Invitar a alguén», escribe o seu «Correo».
3. En «Nas tarefas aparece como», pon o nome co que sairá.
4. En «Que pode facer», escolle «Pode editar» ou «Só pode ver».
5. Preme «Mandar invitación».

Chégalle un correo para aceptar. Compártese proxecto a proxecto: non ve os teus outros proxectos. Explícao enteiro Compartir un proxecto.

Si, con Pro. Podes asignar tarefas a quen queiras, teña conta ou non; compartir cada proxecto con outras contas e decidir quen edita e quen só mira; comentar nas tarefas con @ para avisar a alguén, e ver o historial de cambios. Cando alguén acaba unha tarefa, a quen lle toca a seguinte chégalle o aviso. Con Gratis traballas só. Mira Traballar en equipo.

Non: invitar a outras persoas é de Pro (e de Max). Con Gratis si podes entrar en proxectos que outras persoas che comparten, e asignar tarefas a unha persoa sen conta desde «Responsable». O que custa cada plan está en Prezos.

Si. Invítao co seu correo desde «Compartir» → «Invitar a alguén». Na páxina da invitación premerá «Crear conta»; ten que usar ese mesmo correo. Despois volve á invitación e preme «Aceptar». Non precisa ningún plan de pagamento. Mira Compartir un proxecto.

Si. Abre a tarefa e, en «Responsable», escolle «+ Engadir unha persoa…», escribe o nome e preme Intro. Esa persoa non ve nada nin recibe avisos, pero tokidu sabe de quen é a tarefa e calcula as súas datas por separado. Con Gratis a túa lista admite unha persoa; con Pro, todas as que queiras. Mira As túas persoas.

Hoxe non hai un botón para quitar un nome da lista: queda no despregable de «Responsable». Se esa persoa xa non traballa contigo, pon as súas tarefas a «Ninguén» ou a outra persoa. Mira As túas persoas.

Non. Paga quen comparte o proxecto, por persoa: contas ti e cada persoa que edita nalgún dos teus proxectos (unha vez aínda que estea en varios). Quen só pode ver entra gratis: polo menos 5, e 3 por cada persoa do teu plan. Os invitados poden ter Gratis: o que fan no teu proxecto conta no teu plan. O que custa, en Prezos.

Quen pode editar crea, cambia e borra tarefas, esperas e sprints, sube ficheiros, cronometra e comenta. Quen só pode ver veo todo (tarefas, datas, ficheiros, comentarios e historial), pero non cambia nada nin comenta; pódese mencionar. O do proxecto (nome, persoas, ligazón para o cliente, borralo) é só do dono. A táboa completa, en Quen pode facer que.

Abre o proxecto, preme «Compartir» e, xunto ao seu nome, escolle «Pode editar» ou «Só pode ver» no despregable. Aplícase no momento. Se pasas a alguén a editar e o teu plan xa está cheo, verás «Xa sodes…»: quita a alguén ou pasa outra persoa a só ver. Mira Quen pode facer que.

Non: o que pode facer cada persoa vale para todo o proxecto. Se alguén só debe tocar unha parte, ponna nun proxecto á parte e compárteo con esa persoa, ou déixaa en «Só pode ver» e asígnalle as súas tarefas con «Responsable» para que saiba cales son súas. Mira Quen pode facer que.

Mira no cartafol de correo non desexado e comproba que te invitaron ao enderezo correcto. Se a túa conta ten ese correo confirmado, a invitación tamén está en A miña conta → «Invitacións». Se non, pídelle a quen te invitou que prema «Ligazón nova» ou «Copiar a ligazón» e cha mande por outro lado. Se marcaches «Non quero recibir máis invitacións de tokidu», o correo xa non sae. Mira Recibir unha invitación.

Na páxina da invitación verás «Esta invitación é para … e entraches como …». Tes dúas saídas: «Entrar con outra conta» (a do correo invitado) ou «Pedirlle a … que me deixe entrar con esta conta». Nese caso, quen te invitou recibe o teu nome e o teu correo e decide con «Deixar entrar» ou «Non». Mira Recibir unha invitación.

Por unha de dúas: invitáronte con «Só pode ver» (a cabeceira di «Proxecto de … · Só podes ver») ou o proxecto está en pausa porque o seu dono xa non ten Pro («Este proxecto está en pausa…»). No primeiro caso, pídelle ao dono que te cambie a «Pode editar»; no segundo, todo volve cando recupere Pro. Mira Quen pode facer que.

Se a tarefa non ten responsable e podes editar, abre a tarefa e preme «Quedo con ela». Tamén o tes en «O seguinte» → «Miñas», en «Sen responsable». Ou escolle o teu nome en «Responsable», dentro de «No proxecto». Mira Traballar nun proxecto compartido.

Escribe @ e as primeiras letras do seu nome e escólleo da lista con Intro. Ao comentar, chégalle un aviso de que o mencionaches, sen o texto do comentario. Só saen as persoas con conta no proxecto, tamén quen só pode ver. Mira Comentarios e @mencións.

Os comentarios están nos proxectos compartidos, e comentan o dono e quen pode editar. Se só podes ver, les os comentarios pero non escribes. Se o proxecto non está compartido ou está en pausa, tampouco sae para escribir. Para notas túas, usa as «Notas» da tarefa. Mira Comentarios e @mencións.

Abre a tarefa e desprega «Historial», ao final do detalle. Para todo o proxecto, «Axustes do proxecto» → «Actividade», que tamén di quen borrou cada tarefa e deixa filtrar por «Persoa». É de Pro e gárdase un ano. Mira Historial de cambios.

Outra persoa (ou ti desde outro dispositivo) cambiou as notas mentres escribías. Para non perder nada, quedan as súas notas en «Notas gardadas» e o teu en «O teu texto», que non se garda só. Escolle «Usar o meu», «Copiar o meu texto» ou «Descartar o meu». Mira Varias persoas á vez.

Si, coa ligazón para o teu cliente: «Axustes do proxecto» → «Ligazón para o teu cliente», escolle «Que ve» e preme «Crear a ligazón». Quen teña a ligazón ve o estado, a data prevista e os fitos (e, se queres, as tarefas), sen poder cambiar nada. É de Pro. Mira Ligazón para o teu cliente.

Non. A ligazón nunca amosa notas, horas, importes, persoas, ficheiros, ligazóns, etiquetas nin comentarios. Ve o nome e a imaxe do proxecto, o avance, a data prevista e os fitos e, con «O resumo e as tarefas», os títulos do que está en marcha, o que vén e o feito ultimamente. Mira Ligazón para o teu cliente.

Non. As súas horas, os seus ficheiros e os seus comentarios quedan. As súas tarefas seguen ao seu nome, sen cambiar de estado, e podes darllas a outra persoa. En «Horas» o seu tempo sae nunha liña á parte, «… (xa non está)», co seu prezo. Mira Saír ou quitar a alguén.

Abre o proxecto, preme «Proxecto de … · Podes editar» na cabeceira (ou entra en «Axustes do proxecto») e preme «Saír do proxecto». Deixas de velo no momento; as túas horas e os teus ficheiros quedan. Para volver teñen que invitarte outra vez. Mira Saír ou quitar a alguén.

Non. Compártese proxecto a proxecto: quen entra nun só ve ese. Se queres que traballe noutro, invítao tamén a ese (en «Persoas» verás «Invitar tamén a ese proxecto» se xa ten tarefas alí). Mira Compartir un proxecto.

Non. O cronómetro e «Engadir a man» están en todos os plans, e cada tarefa suma o seu tempo. O que é de Pro é «Horas para facturar»: o informe por proxecto e persoa, os prezos, a folla de cálculo, o PDF e marcar o facturado. Con Gratis, «Horas» amosa o que levas esta semana. Mira Apuntar horas.

Se leva máis de 8 horas, tokidu pregúntache «Seguía correndo desde…?»: escolle «Gardar ata…» e pon a hora en que remataches, ou «Descartar». Se xa o gardaches, abre a tarefa e, en «Tempo», preme «Editar» nesa entrada e cambia os minutos. Mira Apuntar horas.

Abre a tarefa e, en «Tempo», preme «Engadir a man». Pon a «Duración» en minutos ou horas e, en «Empezou (opcional)», o día e a hora en que empezaches. Sen esa data, a entrada remata neste momento. Mira Apuntar horas.

Si. En «Horas» → «Prezos e redondeo», cada proxecto ten o seu «Prezo por hora» e, dentro, «Outro prezo para…», onde pos o de cada persoa. O da persoa manda sobre o do proxecto. Mira Poñer os prezos.

En «Horas» → «Prezos e redondeo», escolle «A 15 min» en «Redondeo» e, en «Como redondear», «Sempre cara arriba» ou «Ao máis próximo». Cada entrada redondéase por separado. Mira Poñer os prezos.

Porque nos teus proxectos a persoa de cada hora é o responsable da tarefa, non quen premeu o cronómetro. Se cronometras unha tarefa de Laura, esas horas van á liña de Laura. «Ti» xunta as túas tarefas e as que non teñen responsable. Mira A pantalla Horas.

O cronómetro en marcha non conta ata que o paras. Párao con «Parar» e, en canto se garde, aparece en «Horas». Se unha entrada sae noutro día, é porque conta enteira no día en que empezou, co «Fuso horario» de «Prezos e redondeo». Mira A pantalla Horas.

Se leva «Facturada» e un cadeado, xa está marcada como facturada. Para cambiala, vai a «Horas» → «Xa facturado nestas datas» e preme «Desfacer» nesa liña. Se o proxecto cho compartiron, só o seu dono pode desfacelo. Se só podes ver o proxecto, non podes apuntar nin cambiar tempo. Mira Marcar como facturado.

Si. En «Horas», en «Xa facturado nestas datas», preme «Desfacer» nesa liña e confirma. As entradas volven a «Por facturar» e pódense cambiar outra vez. Mira Marcar como facturado.

Non. tokidu chega ata horas por prezo, sen impostos: non numera facturas nin calcula IVE ou retencións. Fai a factura co teu programa de sempre, usa a folla de cálculo ou o PDF de «Horas» para o detalle e escribe o «N.º de factura (opcional)» ao marcar como facturado. Mira Marcar como facturado.

Si. En «Horas», escolle o período e preme «Descargar CSV»: «O que falta por facturar» ou «Todo o cronometrado». O ficheiro ábrese en Excel, Google Sheets ou Numbers. Mira Folla de cálculo e PDF.

En «Horas», escolle o período e o cliente ou o proxecto, e preme «Imprimir ou gardar en PDF». Ábrese a folla co diálogo de imprimir: escolle «Gardar como PDF». Se queres tamén as tarefas e as notas, marca antes na folla «Incluír o detalle (tarefas e notas)» e volve premer «Imprimir ou gardar en PDF». Mira Folla de cálculo e PDF.

Si, se o proxecto é teu e tes Pro: en «Horas» sae o tempo de cada persoa ao seu nome, coas súas notas, e podes poñerlle o seu prezo e facturalo. Quen traballa no teu proxecto só ve o seu, sen importes. Mira Horas do equipo.

Factúraas o seu dono. Ti ves o teu en «Horas» → «En proxectos doutras persoas», con «Factúrao …», as túas horas e as xa facturadas, sen prezos nin importes. O que o dono marca como facturado xa non o podes cambiar. Mira Horas do equipo.

Ponlles un cliente aos teus proxectos nos seus axustes. Despois, en «Horas», con «Todos os clientes», a táboa agrupa por cliente co seu total e arriba sae «Por cliente». Para un só, escólleo no filtro «Cliente». Mira Horas por cliente.

Co plan Max, en «Todos os proxectos», na barra lateral, debaixo de «O seguinte». Cada proxecto sae nunha fila sobre unha mesma liña de tempo, coa súa data prevista e o seu semáforo. Preme un para abrilo no seu «Gantt». Mira Todos os proxectos nunha liña.

Porque é do plan Max. Sen Max sae en dous casos:

• Compartíronche proxectos dunha conta con Max: ves só eses.
• Con Pro, ou nun proxecto compartido contigo, a entrada chámase «Persoas» e amosa a carga de cada persoa.

Tampouco sae se aínda non tes ningún proxecto. Que inclúe cada plan, en Prezos. Mira Todos os proxectos nunha liña.

Que hai algo que vixiar, aínda que polo de agora nada chega tarde. Pode ser:

• «Faltan duracións»: algunha tarefa non ten duración.
• «Moveuse»: con foto do plan, o final atrasouse un día laborable ou máis.
• «Moi lonxe»: remataría dentro de máis de dez anos.

A frase xunto ao semáforo di cal é. Mira O semáforo.

Non. O semáforo sae só das datas previstas, para que sempre diga o que pasa de verdade. Se non estás de acordo coa súa cor, cambia o que a decide: as duracións, as datas límite ou o que vai antes. Mira O semáforo.

Porque o semáforo só sabe o que lle dis. O máis habitual:

• Ningunha tarefa ten data límite: entón non pode chegar tarde, e o verde dío.
• As duracións son demasiado curtas: revísaas.

Pon data límite ás tarefas con compromiso e axusta as duracións. Co plan Max, unha foto do plan pon o proxecto en ámbar cando o final se atrasa. Mira O semáforo.

Abre «Persoas» (con Max, a lapela «Persoas» de «Todos os proxectos»). Cada fila di cando queda libre esa persoa, cantas tarefas ten, en cantos proxectos e canto lle queda. Preme a fila para ver a súa cola en orde. É de Pro. Mira Persoas: quen vai a tope.

Ponlle un cliente a cada proxecto nos seus axustes. Despois, en «Todos os proxectos», «Por cliente» (activado de entrada) xunta os proxectos baixo a cabeceira do seu cliente, e «Cliente» deixa ver un só. Mira Filtrar e ordenar os proxectos.

En «Todos os proxectos», preme «Amosar» → «Non chegan»: quedan só os que teñen algunha tarefa que non chega á súa data. Se teñen foto do plan, «Movéronse» deixa os que se atrasaron. Tamén podes «Ordenar» → «Por semáforo» para ter os vermellos arriba. Mira Filtrar e ordenar os proxectos.

Se non tes o plan Max, «Todos os proxectos» só amosa os proxectos compartidos contigo por contas con Max, e a pantalla dío: «Só saen os proxectos de contas co plan Max.». Con Max propio saen todos os que ves. Mira Todos os proxectos nunha liña.

É a tarefa que marca o final do proxecto: se se atrasa, o proxecto remata máis tarde. Se queres rematar antes, empeza por ela. No «Gantt» e no «Mapa» do proxecto, as tarefas que deciden o final levan bordo groso. Mira Todos os proxectos nunha liña.

Si. Se ten días libres preto, a súa fila leva un chip «Fóra …» coas datas, e a súa cola xa os ten en conta. Na túa fila e nas das túas persoas sen conta, desprégaa e preme «Días libres…» para cambialos. Mira Persoas: quen vai a tope.

Non hai un botón para exportar esta pantalla. O que si podes:

• Con Max, «Resumo de todos os proxectos» pídelle ao asistente un texto que se pode copiar.
• En cada proxecto, «Descargar a imaxe» no «Gantt», en todos os plans, ou «Imprimir ou gardar en PDF», con Pro.

Mira Descargar o Gantt como imaxe.

Max. Nun proxecto teu, a túa conta ten que ter Max. Nun proxecto que che compartiron abonda con que o teña o seu dono, aínda que ti teñas Gratis ou Pro: os usos saen da súa conta. O que custa cada plan está en Prezos. Mira Que é o asistente.

Está en «Axustes do proxecto» → «Asistente», en «Cadea» e nos proxectos baleiros, e só na web. Non sae se o dono do proxecto non ten Max, se o proxecto está en pausa ou se estás na demo. O resumo de todos os proxectos, en «Todos os proxectos», precisa o teu propio Max. Mira Que é o asistente.

Cada mes hai 40 usos por cada persoa de pagamento da conta con Max, e 100 como mínimo, para repartir entre todas as persoas que traballan nos seus proxectos. Ninguén pode gastar máis de 150 ao mes. Cada resposta que chega ben gasta un; ao pé da folla ves cantos van. Volven o día 1. Mira Que é o asistente.

O botón de pedir apágase ata o día 1 do mes seguinte, e un aviso di se se gastou o cupo da conta, o teu ou o límite de gasto do mes. O que xa creaches non cambia e todo o demais de tokidu segue funcionando: podes escribir as tarefas a man ou usar as cadeas. Mira Que é o asistente.

Non. Só gasta un uso a resposta que chega ben. Se falla verás «O asistente non puido contestar. Non se gastou ningún uso.»; se se corta a conexión, «Non chegou a resposta do asistente. Comproba a conexión e volve probar.». Mira Que é o asistente.

Non. O asistente só propón: os pasos e a lista saen como borrador para que os revises, e as tarefas créanse cando premes «Crear…». O resumo é un texto que copias ti. Nunca cambia nin borra o que xa hai. Mira Que é o asistente.

Si, se o seu dono ten Max, pero só para ver a proposta ou o resumo: non podes crear as tarefas, e a folla dío («Só podes ver este proxecto: o asistente pode propor, pero non podes crear as tarefas.»). O resumo si o podes copiar. Mira Que é o asistente.

Non. Ao asistente nunca lle chegan notas, comentarios, listas de comprobación, ligazóns, ficheiros, correos, horas nin importes. Para o resumo chégalle o título, o estado e as datas das tarefas, coas persoas cambiadas por pseudónimos. Mira Que ve o asistente.

No resumo, non: cada persoa vai como «P1», «P2»…, tamén dentro dos títulos, e tokidu pon os nomes ao recibir a resposta. En «Propor os pasos» e «Traer unha lista» mándase tal cal o que escribes ou pegas, así que non poñas datos persoais que non fagan falta. Mira Que ve o asistente.

Si, de dúas formas. Con Max, «Axustes do proxecto» → «Asistente» → «Traer unha lista»: pegas o texto, revisas a táboa e creas as tarefas coas súas esperas. Se tes o ficheiro (Project, Excel, CSV, Planner, Asana ou Trello), tamén podes importalo sen gastar usos. Mira Traer unha lista.

Non. As datas calcúlaas tokidu coas duracións e as esperas, e o asistente só as pon en palabras. Aínda así, léo antes de mandalo. Se unha data non che cadra, revisa as duracións e as esperas desa tarefa: mira Por que esa data e Resumo da semana.

No idioma en que tes tokidu: castelán, catalán, inglés ou galego. En «Traer unha lista», os títulos quedan no idioma do texto que pegas. Mira Propor os pasos.

O máis habitual:

• Desbloqueáchela ti: velo na pantalla e non se manda correo.
• O teu correo aínda non está confirmado: en Avisos podes pedir a ligazón.
• O aviso está apagado, ou tes «Xuntalos nun correo ao día» e chega á hora escollida.
• Desfíxose a tempo: o correo espera 2 minutos e, se a anterior se reabre, non sae.
• Se che chega o aviso na app do iPhone ou do iPad, non se manda tamén por correo.

Mira tamén o cartafol de spam. Explícao Avisos por correo.

Porque ao crear a conta con correo e contrasinal non comprobamos que o enderezo sexa teu, e só escribimos a correos confirmados. Preme «Mandarme a ligazón» en «A miña conta» → «Avisos», abre o correo e preme «Confirmar». Se entras con Google ou Apple con ese mesmo correo, ou restableces o contrasinal coa ligazón do correo, queda confirmado só.

Tes tres formas:

• En «A miña conta» → «Avisos», apaga os interruptores que non queiras.
• Nun correo de avisos, preme «Deixar de recibir estes correos» e escolle «Deixar de recibilos» (só ese tipo) ou «Non quero ningún aviso por correo».
• O botón de darse de baixa do teu programa de correo apágaos todos.

Os correos que pides ti, como o de restablecer o contrasinal, non son avisos e chegan igual. As invitacións a proxectos teñen a súa propia ligazón para non recibir máis.

Entra en «A miña conta» → «Avisos» e volve acender os avisos que queiras. É a única forma: por seguridade, a ligazón de baixa do correo nunca te volve dar de alta.

Si. En «A miña conta» → «Avisos», acende «Xuntalos nun correo ao día» e escolle a hora en «Hora dos avisos do día». Chegarache un só correo cada día de traballo con todo xunto, e ningún día sen nada. Aínda sen o resumo, tokidu nunca manda máis dun correo cada 15 minutos nin máis de 12 ao día.

Escolle a hora en «A miña conta» → «Avisos» → «Hora dos avisos do día». Cóntase no teu fuso horario, que a pista di entre parénteses. tokidu cólleo só do navegador ou da app: se viaxas, actualízase a próxima vez que abras tokidu no dispositivo do teu novo fuso. O selector da hora só sae co resumo acendido ou con «Vence mañá» ou «Non chega a tempo» acendidos.

Si, con Pro: «Vence mañá» avísate por correo o día de traballo anterior á data límite, no correo do día. E «Non chega a tempo» avísate antes, en canto a previsión di que unha tarefa non chegará á súa data. Non hai lembretes a unha hora concreta nin con varios días de antelación. Se queres o oco na túa axenda, mira As túas datas no teu calendario.

Porque «Vence mañá» quere dicir «o día de traballo anterior». Conta desde mañá ata o teu seguinte día de traballo, ese incluído. Se en «A túa semana» non traballas a fin de semana, o venres avísate do que vence o sábado, o domingo e o luns, e o luns xa non se repite. Se cambias os teus días de traballo, cambia tamén cando te avisa.

Porque xa o estás vendo: ao marcala como feita, a seguinte desbloquéase diante de ti. tokidu só avisa de «Tarefa desbloqueada» cando a solta outra persoa ou cando pasan os días dunha espera («Empeza cando remate…» con días de máis). Nun proxecto que non compartes, por iso, case todos os avisos veñen de esperas con días.

Só se o pides. En «A miña conta» → «Avisos», acende «Avisarme tamén cando se poida comezar unha tarefa na que acompaño». Chegarache como «Tarefa desbloqueada», así que ese aviso tamén ten que estar acendido. O interruptor só aparece se estás nalgún proxecto compartido.

Con Chrome: entra en tokidu.com, abre «A miña conta» → «Avisos», preme «Avisarme neste navegador» e acepta o permiso. Chrome recíbeos aínda que estea pechado. A app de Android non ten avisos propios. Tamén podes usar os avisos por correo.

Na app, vai a «Conta» → «Avisos» e mira a fila «Tarefa desbloqueada»:

• «Sen decidir»: tócaa e acepta o permiso.
• «Desactivados»: toca «Abrir Axustes» e activa as notificacións de tokidu.
• «Activados»: comproba que o iPhone non está nun modo de concentración que as silencie.

Se usas tokidu no navegador do iPhone sen a app, tes que engadilo á pantalla de inicio e activar os avisos desde alí.

Preme a icona que hai xunto ao enderezo da páxina, busca o permiso de notificacións de tokidu.com e ponno en permitir. Despois abre de novo «A miña conta» → «Avisos» e preme «Avisarme neste navegador». Mentres estea bloqueado, a tarxeta di «Bloqueaches os avisos de tokidu neste navegador…».

Non directamente. tokidu avisa por correo, no navegador e na app do iPhone e do iPad. Con Max, os «Avisos a outras apps» (webhooks) mandan o que pasa a Zapier, Make ou ao teu propio servidor, e desde alí podes levalo onde queiras. Mira Avisos a outras apps.

Con Pro, desde un ordenador:

1. Abre «A miña conta» → «O teu calendario».
2. Escolle que incluír e preme «Crear a ligazón».
3. Preme «Engadir a Google Calendar» e confirma en Google.

Despois veralo tamén no móbil. Google só deixa engadilo desde un ordenador. Saen as datas límite, as datas previstas e os sprints como eventos de día completo.

Porque cada app de calendario decide cada canto volve ler a ligazón: poden pasar desde uns minutos ata un día. tokidu xa ten o cambio; o teu calendario verao na súa próxima lectura. En «A miña conta» → «O teu calendario» ves «Último uso da ligazón», que di cando a leu por última vez.

Non. O calendario só amosa as túas datas: é dun só sentido. As datas cámbianse en tokidu, e o calendario recólleas só. Ademais, as datas previstas non se fixan a man: saen das duracións e das esperas, así que para movelas cambia esas cousas na tarefa.

Non é boa idea: quen a teña ve os títulos e as datas das túas tarefas, e é túa. Cada persoa con Pro crea a súa en «A miña conta» → «O teu calendario» e ve as súas propias tarefas. Para que alguén vexa un proxecto, compárteo en tokidu; para un cliente, usa a ligazón de só lectura do proxecto. Se xa a compartiches, preme «Crear unha ligazón nova».

Porque as datas límite e as previstas son días, non horas, e así caen ben en calquera fuso horario. Ademais van como «libres», para non bloquear a túa axenda. Se queres apartar unha hora concreta para traballar nunha tarefa, ábrea e usa «Reservar no meu calendario»: crea un evento con hora en Google, Outlook ou Calendario de Apple.

Non. Se pegas unha ligazón, tokidu só garda o enderezo. Se usas «Escoller de Google Drive», Google pídeche permiso só para os ficheiros que escolles nese momento; o resto do teu Drive non o ve. tokidu tampouco copia os teus ficheiros: seguen no teu Drive.

Se ves «Non se puido abrir Google Drive…», algo está a cortar a xanela de Google: adoita ser un bloqueador de anuncios ou de rastrexo. Permite accounts.google.com e apis.google.com nese bloqueador (ou no teu navegador) e volve probar. Mentres tanto, podes copiar a ligazón desde Drive e pegala en «Ficheiros e ligazóns».

Porque quen pode abrir un ficheiro decídeo Google Drive, non tokidu. tokidu só garda a ligazón. Abre o documento en Drive e compárteo con esa persoa (ou con quen teña a ligazón). Despois, a mesma ligazón da tarefa xa lle funcionará.

Si, como ligazón: pega o seu enderezo en «Ficheiros e ligazóns» e preme «Achegar». O que non hai para eles é un selector como «Escoller de Google Drive». Se prefires ter o ficheiro dentro de tokidu, súbeo con «Subir un ficheiro».

Empeza en Madrugo con «Conectar con tokidu» (ou preme «Conectar con Madrugo» en «A miña conta» → «Integracións», que te leva alí). Volverás a tokidu: comproba que é a túa conta e preme «Conectar». Se o prefires a man, crea un token con «Ler «O seguinte» (Madrugo)» e pégao en Madrugo → Integracións → tokidu.

En «A miña conta» → «Integracións» → «Tokens persoais», busca o token de Madrugo e preme «Revogar». Madrugo deixa de ver as túas tarefas no momento. Se queres volver conectalo, fai a conexión de novo desde Madrugo.

Non. O token completo sae unha soa vez, ao crealo, e tokidu non o garda: só garda unha pegada para recoñecelo. Revoga o que perdiches en «Tokens persoais» e crea outro cos mesmos permisos. Despois, cámbiao no programa que o usaba.

Revógao xa: en «A miña conta» → «Integracións» → «Tokens persoais», preme «Revogar» nese token, ou «Revogar todos» se non sabes cal é. Deixa de valer no momento. Nos tokens da API, «Últimos cambios con este token» diche que se cambiou con el nos últimos 90 días.

Max. Pode ser o teu ou o de quen comparte un proxecto contigo: nese caso, a API chega aos proxectos desa persoa, co que che deixe o teu papel. Os avisos a outras apps (webhooks) piden o teu propio Max. O token de Madrugo, que só le «O seguinte», é de todos os plans. Mira Prezos.

Si, con Max. Para que tokidu os avise cando pasa algo, crea un aviso a outra app co enderezo que che dan (ou deixa que se subscriban sós cun token con «Mandar avisos a outras apps»). Para que creen ou cambien tarefas, usa o seu paso de petición HTTP cun token con «Crear e cambiar tarefas». Mira Avisos a outras apps e Usar a API.

Non. A API non ten CORS e non mira as cookies, a propósito: chámase desde un servidor, co token na cabeceira Authorization. Poñer o token nunha páxina deixaríao á vista de calquera que a abra. Se precisas unha páxina, fai que fale co teu servidor e que sexa el quen chame a tokidu.

1000 por hora por conta, sumando todos os teus tokens (e o MCP), e 60 por minuto por cada token. Cada resposta trae RateLimit-Remaining co que che queda. Se te pasas, recibes un 429 con Retry-After, que di cantos segundos esperar.

Para que un reintento non cree a tarefa dúas veces. Manda na cabeceira Idempotency-Key unha chave túa, distinta para cada tarefa (un UUID vale). Se repites a mesma petición coa mesma chave, recibes a mesma tarefa, sen crear outra. Sen a cabeceira, a API responde 428 idempotencia_necesaria.

É a rede que protexe tokidu rexeitando o User-Agent que pon por defecto urllib de Python. Pon un propio na cabeceira (por exemplo, o nome da túa integración) ou usa requests ou httpx. Con curl, Node, Go ou Postman non pasa. Vale igual para o MCP.

Apagámolo cando o teu enderezo falla 20 veces seguidas ou leva 3 días sen aceptar ningún, e mandámosche un correo. Tamén se apaga se revogas o token que o creou. Arranxa o enderezo, preme «Mandar unha proba» e, se chega ben, «Acender»: o que quedaba pendente sae entón. Se di «En pausa», é que xa non tes Max.

A propósito: os avisos a outras apps nunca levan textos privados como notas ou comentarios. O aviso di quen comentou e en que tarefa. Se a túa integración precisa o texto, pídeo á API con GET /api/v1/tasks/:id/comments e un token con «Ver os teus proxectos e tarefas».

Con Max, por MCP:

1. Crea un token con «Ver os teus proxectos e tarefas» (e «Crear e cambiar tarefas» se queres que cree tarefas).
2. En «A miña conta» → «Integracións» → «Axentes de IA (MCP)», copia a orde.
3. Pégaa no terminal de Claude Code e cambia tkd_… polo teu token.

Vale calquera cliente MCP que deixe poñer a cabeceira Authorization. En claude.ai non se pode engadir como conector polo de agora.

Non: o MCP de tokidu non ten ningunha ferramenta para borrar tarefas nin proxectos. Pero con «Crear e cambiar tarefas» si pode cambiar ou baleirar os campos dunha tarefa, cancelala ou quitarlle esperas. Se só queres que lea, dálle un token con «Ver os teus proxectos e tarefas» e nada máis, e limítao aos proxectos que precise.

Na App Store para iPhone, iPad e Mac, e en Google Play para Android: busca «tokidu». Entras coa mesma conta que na web. Se aínda non a atopas na tenda do teu dispositivo, usa tokidu.com no navegador, que funciona tamén no móbil.

Non. Entra coa mesma conta que usas en tokidu.com: co teu correo e contrasinal, con Apple, con Google ou cunha passkey. Os teus proxectos e tarefas están nos dous sitios, e o que cambias nun aparece no outro.

Recupérase na web: abre tokidu.com, preme «Entrar» e despois «Esqueciches o contrasinal?». Mandámosche unha ligazón para escoller un novo. Mentres tanto, se a túa conta ten Google, Apple ou unha passkey, podes entrar na app con eles. Mira Recuperar o contrasinal.

Porque as normas da App Store non deixan vender a subscrición co noso sistema de pagamento dentro da app, e a app de Android é a mesma. Na app só ves o teu plan. Para contratalo ou cambialo, entra en tokidu.com desde o navegador e abre «A miña conta». En canto o teñas, as funcións aparecen tamén na app.

Porque son de Pro, e na app o que o teu plan non inclúe non aparece. Se xa tes Pro e non as ves, pecha a app por completo e volve abrila para que colla o teu plan. «Horas» está en «Proxectos» (e na barra lateral do iPad); «As túas datas no teu calendario», en «Conta» → «Integracións».

Porque precisan unha pantalla grande: están na web e, na app, no iPad (e nas tabletas Android), como lapelas do proxecto. No iPhone tes o Gantt, desde o botón «Gantt» do proxecto, para miralo, e as «Probas gardadas», para consultalas.

Non, esas tres cousas son da web. Tamén quedan na web a demo, comprar ou cambiar o plan, recuperar o contrasinal, os prezos e o facturado de «Horas», os tokens da API e os avisos a outras apps. A lista completa está en Que se fai na app e que só na web.

Mantén premida a pantalla de inicio, abre a galería de widgets, busca tokidu e escolle «O seguinte» co tamaño que queiras. Despois abre tokidu unha vez para que teña datos. Para que amose outra cousa, manteno premido, edítao e cambia «Que amosar»: «O seguinte», «Todo o equipo» ou un proxecto. No iPhone precisa iOS 17 ou posterior.

O widget non se conecta a internet: amosa o que a app lle deixou a última vez que a usaches. Abre tokidu e ponse ao día. Se di «Abre tokidu para ver isto.», acabas de escoller que amosar coa app pechada. Se sae «Datos das …», o que ves ten máis de 12 horas.

Non. A pantalla de bloqueo, a Dynamic Island e a notificación de Android amosan o tempo, pero non teñen botón de parar. Tócaos para abrir a tarefa e párao na app, con ■ na pílula do cronómetro ou con «Parar» na tarefa.

Non, se non saes da túa conta. Os cambios quedan no dispositivo e mándanse sós cando volve a rede, aínda que peches a app. O único que os borra é saír da túa conta antes de que se manden: a app avísate con «Hai cambios sen gardar». Se a sesión caduca, gárdanse 30 días ata que volvas entrar coa mesma conta.

tokidu non acepta ese cambio agora mesmo e o que fixeches despois espera detrás. Toca «Reintentar». Se segue igual, pode que ese cambio xa non teña sentido (por exemplo, a tarefa xa non existe ou xa non podes editala): toca «Descartar este cambio» e o resto segue gardándose.

Si: é a mesma app do iPhone e do iPad, e búscase como «tokidu» na App Store do Mac. Vese como no iPad, con barra lateral, e funciona sen conexión. Non ten avisos, widget nin cronómetro na pantalla de bloqueo: para os avisos, actívaos no navegador ou usa o correo. Se non a atopas, tokidu.com funciona en calquera navegador do Mac.

A app de Android non ten avisos propios. Para recibilos no teléfono, entra en tokidu.com con Chrome, abre «A miña conta» → «Avisos» e preme «Avisarme neste navegador»: Chrome recíbeos aínda que estea pechado. O que si sae na barra de notificacións de Android é o cronómetro en marcha.

Gratis é para ti só: 2 proxectos e 60 tarefas abertas, con todas as vistas e as esperas. Pro quita os límites e engade proxectos compartidos, horas para facturar, calendario, repeticións, importar e imprimir. Max suma todos os proxectos nunha liña, a foto do plan, o asistente e a API. Mira Plans e os prezos en Prezos.

tokidu avísate («Chegaches ao límite do teu plan…») e non garda ese cambio; o que xa tes non se toca. Para seguir, remata ou borra tarefas, borra un proxecto que non uses ou pasa a un plan de pagamento. As tarefas feitas e canceladas e o que está na papeleira non contan.

Non, ata un número. Págase por ti e por cada conta que edita nos teus proxectos. Quen só le entra gratis: polo menos 5, e 3 por cada persoa de pagamento. Se hai máis lectores, os que sobran contan como persoas. Mira Plans.

Non. Con Pro podes poñer nas túas tarefas persoas sen conta, sen límite, e non se pagan: só contan as contas que editan nos teus proxectos. Mira As túas persoas.

Na web: «A miña conta» → «Pasa a un plan de pagamento», escolle «Mensual» ou «Anual» e cantas persoas sodes, e preme o botón da tarxeta do plan. Pagas na pasarela de Cifrago e o plan actívase ao confirmarse o pagamento. Que se pode contratar e a que prezo, en Prezos.

En «A túa conta», xunto ao teu plan, escribe o número novo en «Cambiar a» e preme «Cambiar desde a próxima renovación». Ata a renovación non cambia nada. Se che di que aínda non se pode, cancela e volve contratar co número novo.

En «A túa conta», preme «Cancelar a subscrición» e confirma. Conservas o plan ata o final do período xa pagado e despois a conta pasa a Gratis, sen permanencia. Non se borra nada. Mira Contratar, cambiar ou cancelar.

Seguen aí, con todas as súas tarefas. Volven os límites de Gratis para crear cousas novas, os teus proxectos compartidos quedan en pausa (os demais só poden velos) e a ligazón do calendario tamén. Todo volve funcionar se contratas outra vez un plan de pagamento.

En «A túa conta» → «Acceso» → «Passkeys»: ponlle un nome, escribe o teu contrasinal actual se tes e preme «Engadir passkey». O navegador pídeche a pegada, a cara ou o PIN. Despois entras con «Acceder con passkey». Mira Formas de entrar.

En «A túa conta» → «Acceso» → «Google e Apple», preme «Desconectar» xunto á conta conectada. Se é a túa única forma de entrar, non che deixa: antes crea un contrasinal con «Crear contrasinal» ou engade unha passkey.

O nome, si, desde a app: en «Conta», toca a fila do teu nome. Na web non hai campo para cambialo. O correo non se pode cambiar desde tokidu: escríbenos a [email protected] e axudámosche. Mira A páxina «A túa conta».

Na barra lateral, preme «Aparencia» e en «Tema» escolle «Escuro». Con «Automático» segue o tema do teu sistema. Gárdase na túa conta, así que o ves igual noutros navegadores. Mira Aparencia.

Si. En «Aparencia» → «Accesibilidade» escolle «Grande» ou «Moi grande» en «Tamaño do texto», e activa «Reducir as animacións». Se só che molesta o estalido de cor ao desbloquear unha tarefa, apaga «Celebrar os desbloqueos». Mira Accesibilidade.

En «A túa conta», baixa ata «Eliminar a conta», escribe o teu contrasinal actual e ELIMINAR, e preme «Eliminar a miña conta». Bórrase todo aos 30 días; se entras antes, recupérase. Se tes subscrición, cancélase sen cobrarche máis. Mira Eliminar a conta.

Si, durante 30 días: entra co teu contrasinal, Google, Apple ou unha passkey e a baixa queda anulada, con todo onde o deixaches. Pasados os 30 días xa non se pode recuperar.

Bórranse tamén para as demais persoas cando se borre a túa conta, aos 30 días, e antes de eliminala tes que marcar «Entendo que se borran para todos». Aínda non se pode pasar un proxecto a outra persoa, así que avisa antes a quen traballa neles.

Non hai un botón para descargalo todo dunha vez. Podes exportar as horas a folla de cálculo ou PDF, imprimir o plan en PDF con Pro e, con Max, lelo todo pola API. Para unha copia completa dos teus datos, escríbenos a [email protected]. Mira Os teus datos.

Non. tokidu non fai publicidade, non elabora perfís e non vende datos, e non usa cookies de terceiros nin de seguimento. Os teus datos só se usan para prestarche o servizo. Cóntao a política de privacidade.

Escríbenos a [email protected] co correo da túa conta, que tentabas facer, que pasou e, se podes, unha captura. Non mandes o teu contrasinal. Mira Soporte e contacto.