O seguinte
Unha vista con só o que podes facer agora. O que está bloqueado non aparece, así que non hai que filtrar nin decidir.
Proxectos, sprints e dependencias
Tarefas que se desbloquean soas cando remata a anterior.
Di que unha tarefa empeza cando remate outra. Mentres tanto queda bloqueada sen facer ruído; ao rematar a anterior, desbloquéase, avísate e aparece en «O seguinte». Ti só ves o que podes facer agora.
Probar a demoCrear conta gratis
Sen tarxeta. A demo funciona sen conta e garda os datos só no teu navegador.
Que ten
O de sempre, máis o que faltaba
Taboleiro, lista, calendario e sprints como en calquera xestor. E por riba, tarefas que saben esperar e avance por proxecto e por sprint.
Empeza cando remate…
Encadea tarefas entre si, mesmo entre proxectos. Cando a anterior se marca como feita, a seguinte desbloquéase e avísate.
Taboleiro, lista e calendario
Tres formas de ver o mesmo. Arrastra unha tarxeta entre columnas ou sóltaa nun día do calendario.
Mapa de dependencias
A cadea completa dunha ollada: que espera por que, onde se atasca e que se desbloquea ao rematar cada tarefa.
Sprints
Agrupa o traballo por semanas ou quincenas. Ao pechar un sprint, o que quedou pendente pasa ao seguinte sen mover nada a man.
Google Drive
Pega ligazóns a documentos, follas ou cartafoles de Drive en cada tarefa. Recoñécense sós e quedan a un clic.
Como funciona
Tres pasos e o proxecto avanza só
Non hai que revisar cada mañá que se pode empezar: tokidu sábeo.
Apunta as tarefas
Escríbeas rápido, no proxecto e no sprint que toque. Data, responsable e ligazóns son opcionais.
Di que vai despois de que
Nunha tarefa, escolle
empeza cando remate…e sinala a anterior. Queda bloqueada, sen ruído e fóra de «O seguinte».Remata e segue
Marca unha tarefa como feita. As que esperaban por ela desbloquéanse soas, avísante e «O seguinte» actualízase.
Prezos
Gratis para ti. Prezo fixo para o equipo.
Empeza sen tarxeta e cambia de plan cando o necesites.
Gratis
Para ti, para sempre.
0 €
Para sempre, sen tarxeta.
- 2 proxectos
- Dependencias «empeza cando remate…»
- Taboleiro, lista, calendario e mapa
- Sprints
- Ligazóns a Google Drive
- Aviso por correo cando unha tarefa se desbloquea
Pro
Todo, sen límites, por menos ca un café.
3 €/mes
Ou 29 € ao ano (aforras un 19 %)
- Proxectos e tarefas ilimitados
- Ata 5 persoas nas túas tarefas
- Horas para facturar: prezo por hora, folla de cálculo e PDF
- Cartafoles de Drive por proxecto
- Soporte por correo
- As túas datas no teu calendario (Google, Apple e Outlook)
- Avisos por correo do que vence e do que non chega a tempo
Equipo
Prezo fixo por conta. Sen pagar por persoa.
9 €/mes
Ou 89 € ao ano (aforras un 18 %)
- Todo o de Pro
- Persoas ás que asignar, sen límite
- Proximamente: proxectos compartidos, con quen pode editar e quen só ver, e historial de cambios
- Soporte prioritario
Prezos con IVE. Cobro seguro a través de Cifrago. Sen permanencia.
Preguntas frecuentes
O que adoitan preguntar
Que pasa cando remato unha tarefa da que dependen outras?
Desbloquéanse soas no momento en que marcas a anterior como feita, aparecen en «O seguinte» e avisámoste. Se unha tarefa esperaba por varias, desbloquéase cando remata a última. E se reabres a anterior, volve bloquearse.
É gratis?
Si. O plan Gratis é para sempre e non pide tarxeta: 2 proxectos, ata 60 tarefas abertas e todas as vistas, incluídas as dependencias, os sprints e o mapa. Ademais podes probar a demo sen crear conta.
Que límites ten cada plan?
Gratis: 2 proxectos activos, 60 tarefas abertas á vez e só ti. Pro: proxectos e tarefas sen límite e ata 5 persoas ás que asignar tarefas. Equipo: o mesmo ca Pro, sen límite de persoas; proximamente, tamén proxectos compartidos. As tarefas feitas non contan.
Como funcionan as ligazóns a Google Drive?
Pegas a ligazón dun documento, unha folla ou un cartafol na tarefa e tokidu recoñécea como Drive e amósaa coa súa icona. Non pedimos acceso ao teu Drive nin copiamos ficheiros: só gardamos a ligazón. En Pro e Equipo podes fixar ademais un cartafol de Drive por proxecto.
Serve para traballar en equipo?
En Gratis traballas só. En Pro podes asignar tarefas a ata 5 persoas. Con Equipo poderás axiña compartir proxectos con outras contas, decidir quen pode editar e ver o historial de cambios, cun prezo fixo en vez de pagar por persoa.
Como cancelo?
Desde «Conta», cun clic e sen permanencia. Mantés o plan ata o final do período que xa pagaches e despois a conta pasa a Gratis. Non borramos nada: os teus proxectos e tarefas seguen aí.
Deixa que o proxecto che diga que toca
Próbao con datos de exemplo ou crea a túa conta gratis.