Todo sen límites e en equipo, por menos ca un café por persoa.
4 €/persoa/mes
Ou 40 € por persoa ao ano (aforras un 17 %)
Proxectos e tarefas ilimitados
Persoas sen conta nas túas tarefas, sen límite, con acompañantes e os seus días libres
Proxectos compartidos, con quen pode editar e quen só ver, historial de cambios e comentarios nas tarefas
Quen só le non paga: polo menos 5, e 3 por cada persoa de pagamento
Horas para facturar: prezo por hora, folla de cálculo e PDF
Cartafoles de Drive por proxecto
Soporte prioritario por correo
As túas datas no teu calendario (Google, Apple e Outlook), e reservar nel o oco de cada tarefa
Avisos por correo do que vence e do que non chega a tempo
Unha ligazón só de lectura para o teu cliente
Tarefas que se repiten e esperas duns días
Importar de Project, Excel, Planner, Asana ou Trello
Imprimir o plan ou gardalo en PDF
Max
Para quen leva varios proxectos á vez e promete datas.
8 €/persoa/mes
Ou 80 € por persoa ao ano (aforras un 17 %)
Todo o de Pro
O asistente con 40 usos ao mes por persoa de pagamento (100 como mínimo), para repartir entre todos
Todos os teus proxectos nunha liña, cun semáforo que se calcula só, e unha foto do que prometiches para ver canto se move cada data
Un asistente que propón os pasos e escribe o resumo da semana, e API, webhooks e MCP para conectar tokidu cos teus programas
Probas de «E se…?» gardadas e tarefas que esperan por tarefas doutro proxecto
Soporte nun día laborable e axuda para traer os teus proxectos
Pagas por ti e por quen edita. Quen só le entra gratis: polo menos 5, e 3 por cada persoa de pagamento. Prezos por persoa, con IVE. Cobro seguro a través de Cifrago. Sen permanencia.
Preguntas frecuentes
O que adoitan preguntar
Que pasa cando remato unha tarefa da que dependen outras?
Desbloquéanse soas no momento en que marcas a anterior como feita, aparecen en «O seguinte» e avisámoste. Se unha tarefa esperaba por varias, desbloquéase cando remata a última. E se reabres a anterior, volve bloquearse. Se a marcaches como feita sen querer, «Desfacer» déixaa como estaba. E se cancelas unha tarefa porque xa non se vai facer, as que a esperaban deixan de esperala.
Ten diagrama de Gantt?
Si, en todos os plans, tamén en Gratis. A vista Gantt pon cada tarefa nunha liña de tempo, desde que pode empezar ata que remataría, con frechas do que espera por que. As datas calcúlaas tokidu co que dura cada tarefa e as dependencias entre tarefas, e no ordenador podes arrastrar unha barra para cambiar o que dura. Os fitos saen como rombos, e o Gantt descárgase como imaxe para mandalo.
É gratis?
Si. O plan Gratis é para sempre e non pide tarxeta: 2 proxectos, ata 60 tarefas abertas e todas as vistas, incluídas as dependencias, os sprints e o mapa, con fitos, etiquetas, listas de comprobación e papeleira. Ademais podes probar a demo sen crear conta.
Que límites ten cada plan?
Gratis: 2 proxectos activos, 60 tarefas abertas á vez e só ti. Pro e Max: proxectos, tarefas e persoas nas tarefas sen límite, e proxectos compartidos. As tarefas feitas non contan. Pro aínda non está á venda.
Como funcionan as ligazóns a Google Drive?
Pegas a ligazón dun documento, unha folla ou un cartafol na tarefa e tokidu recoñécea como Drive e amósaa coa súa icona. Non pedimos acceso ao teu Drive nin copiamos ficheiros: só gardamos a ligazón. En Pro e Max podes fixar ademais un cartafol de Drive por proxecto. Pro aínda non está á venda.
Serve para traballar en equipo?
En Gratis traballas só. En Pro asignas tarefas a quen queiras, con conta ou sen ela, cada persoa cos seus días libres, e unha tarefa pode levar acompañantes ademais da persoa responsable, sen que conten para as datas. Tamén compartes proxectos con outras contas, decides quen pode editar e comentar as tarefas, e ves o historial de cambios. Págase por persoa: ti e quen edita; quen só le entra gratis: polo menos 5, e 3 por cada persoa de pagamento. Pro aínda non está á venda.
Serve como alternativa a Microsoft Project?
Para moitos proxectos, si: tokidu ten dependencias entre tarefas, fitos, diagrama de Gantt, días libres de cada persoa e datas que se calculan soas, no navegador e sen instalar nada. Con Pro, unha tarefa pode esperar uns días máis despois de que remate outra, e unha tarefa ou unha cadea de tarefas pode repetirse soa cada semana ou cada mes. Non é unha copia de Project: non hai adiantos (empezar antes de que remate a anterior). Se che chega con dicir que tarefa espera por cal e ver cando remata o proxecto, proba a demo e compróbao. Pro aínda non está á venda.
Que engade Max?
Max é para quen leva varios proxectos á vez e promete datas: todo o de Pro e, ademais, todos os teus proxectos nunha liña cun semáforo que se calcula só, unha foto do que prometiches para ver canto se move cada data, probas de «E se…?» gardadas, tarefas que esperan por tarefas doutro proxecto, un asistente e a conexión con outros programas. Tamén se paga por persoa. Max aínda non está á venda.
Podo traer os meus proxectos de Excel, Planner, Project ou Trello?
Si, con Pro: importas o ficheiro de Microsoft Project gardado como XML, un Excel ou CSV (tamén o que exporta Planner) ou a exportación de Trello, co que espera cada tarefa, as súas duracións, as súas persoas e as súas datas límite. Antes de crear nada ves que se trae e que non, e se non te convence, desfalo. Con Max, ademais, o asistente converte en tarefas unha lista que pegas. Pro e Max aínda non están á venda.